Рэанімацыйны пакет рэформаў для Беларусі - гэта аперацыйная платформа і вынік сумеснай працы палітычных арганізацыяў і незалежных экспертаў БеларусіПра нас

НАШЫ КАШТОЎНАСЦІ

Удзельнікаў сумеснай платформы "Рэанімацыйны пакет рэформаў для Беларусі" аб'ядноўваюць агульныя каштоўнасці:
  • Пабудова прававой, дэмакратычнай і сацыяльнай дзяржавы

  • Умацаванне суверэнітэту і незалежнасці краіны 

  • Правядзенне сацыяльна-эканамічных пераўтварэнняў і пабудова рынкавай эканомікі

  • Нацыянальна-культурнае адраджэнне

Эксперты дарожнай мапы “Рэанімацыйны пакет рэформаў для Беларусі” прапануюць план глыбокіх зменаў у найбольш важных галінах дзяржаўнай палітыкі.

РэформыЭканоміка, новыя працоўныя месцы, развіццё малога і сярэдняга бізнэсу

Стварэнне сучаснага рынку працы з мінімальным узроўнем беспрацоўя, шырокімі магчымасцямі для моладзі, большым эканамічным патэнцыялам для інвестараў і прадпрымальнікаў.
  • Прыярытэт інвестараў, а не дзяржавы ў выбары галін дзейнасці, аб’ёме і формах інвестыцый, месцы размяшчэння вытворчасці, колькасці працоўных месцаў, узроўню аплаты працы
  • Свабодны наём працаўнікоў для індывідуальных прадпрымальнікаў, змяншэнне ставак адзінага падатку ў тры разы, увядзенне патэнту, зніжэнне ставак арэнды дзяржаб’ектаў у тры разы
  • Лібералізацыя цэн, спрошчанная сертыфікацыя, зніжэнне падаткаў на 40%
  • Частковая альбо поўная прыватызацыя вялікіх і сярэдніх дзяржаўных прадпрыемстваў

Пра насГісторыя "Рэанімацыйнага пакета рэформаў для Беларусі"

На працягу некалькіх гадоў вядучыя палітарганізацыі Беларусі супрацоўнічалі, каб узгадніць свае пазіцыі і бачанне пазітыўных перамен у Беларусі. Канферэнцыі, працоўныя сустрэчы і абмен вопытам па пытаннях рэформаў праходзілі як у Беларусі, так і за мяжой. У пачатку 2020 года сем палітычных арганізацый аб’ядналі свае намаганні ў распрацоўцы і прасоўванні дарожнай мапы “Рэанімацыйны пакет рэформаў для Беларусі“. Былі абраны найбольш важныя сферы рэфармавання ў адпаведнасці з чаканнямі грамадзян краіны. У ініцыятыве прынялі ўдзел такія палітычныя партыі як Беларускі народны фронт, Беларуская партыя “Зялёныя“, Беларуская сацыял-дэмакратычная партыя (Грамада), Беларуская хрысціянская дэмакратыя, Аб’яднаная грамадзянская партыя, а таксама рух «За свабоду» і цэнтр грамадзянскіх ініцыятыў “Наш дом“ .” Распрацоўшчыкі дарожнай мапы маюць агульнае разуменне таго, што ў дзеючага кіраўніцтва краіны няма бачання па выхаду Беларусі з хранічнага крызісу і адказаў на выклікі, якія стаяць перад краінай. У апошнія 10 гадоў дзяржава не ў стане гарантаваць умовы для росту эканомікі і дабрабыту грамадзян. Пастаянна адбываецца скарачэнне сацыяльных гарантый, увядзенне новых падаткаў і збораў, рост тарыфаў ЖКГ. Аднак улады абмяжоўваюць канкурэнцыю, развіццё малога і сярэдняга бізнесу, магчымасці грамадзянскай супольнасці запоўніць прабелы ў сацыяльна-эканамічнай палітыцы дзяржавы. Нязменнасць вышэйшага кіраўніцтва прыводзіць да няздольнасці дзяржапарату да эфектыўнай рэакцыі ў крызісных сітуацыях, як ва ўмовах пандэміі COVID-19. Усё часцей рашэнні ўладаў ставяць пад пагрозу не толькі дабрабыт грамадзян, але іх здароўе і жыццё. Далучайцеся да нашай ініцыятывы! Дарожная мапа рэформаў з’яўляецца распрацаваным незалежнымі экспертамі планам па вываду Беларусі з сістэмнага сацыяльна-эканамічнага крызісу, які за апошнія 10 гадоў набыў хранічны характар. “Рэанімацыйны пакет рэформаў для Беларусі“ адкрыты для ўдзелу кожнага прыхільніка пазітыўных перамен. Вы можаце далучыцца да абмеркавання прапаноў і прасоўвання дарожнай мапы рэформаў.

МерапрыемстваПрэс-канферэнцыя. Прэзентацыя платформы "Рэанімацыйны пакет рэформаў для Беларусі".

Scroll to Top